Waimaw Hk.L.Y (58) Makawp Ai Dap Shara (2) KIA Zing La Lu

Pajau Media

February 11, 2026

Jinhgpaw Mung Waimaw ginra hta gasat gala majan matut manoi byin nga ai rai nna Waimaw ginra daju ai HK.L.Y (58) makawp dap kasha (2) hpe KIA kawn zing madu ai lam chye lu ai.

Waimaw girna hta lai wa sai February praw kaw nna gasat gala majan laja ai rai nna KIA pawng hpawm dap ni gaw Myen hpyen dap shara la da ai Hk.L.Y (58) hte ni gahtep ai shara ni hpe zing madu la lu ai lam chye lu ai.

Ya aten Waimaw kaw KIA pawng hpawm dap kaw nna htu shadut ai lam nga ai sha n-ga Myen hpyen dap maga na mung n-gun jat nga dingyang re hte M.P.Hk kaw nna mung laknak kaba ni matut manoi gap bun nga dingyang re lam chye lu ai.

KIA pawng hpawm dap ni gaw Waimaw Muklum zing majan hpe lai wa sai 2023 shaning htum wa maga kaw nna hpang wa ai rai nna Waimaw Hk.L.Y (321) dap kaba sha n-ga dap shara n kau, Drone, Tank Madaw hte hpyen laknak law law zing madu da lai wa sai re hpe mung chye lu ai.

Shiga- Hpring