Waimaw Lamyang Ginra Gasat Gala Majan Hta Myen Hpyen Dap Tank Mawdaw Langai Hpe KIA Jahten Kau Lu Ai Lam

Pajau Media

September 11, 2025

Jinghpaw Mung Waimaw Lamyang gasat gala majan hta myen hpyen dap gaw nbungli hte sha n ga Tank mawdaw ni jai lang nna gasat ai hta KIA kawn Tank mawdaw langai jahten kau lu ai lam ginra shi sawk ni kaw na chye lu ai.

September 10 ya shani Waimaw Lamyang mare na LBC nawku jawng makau hkan gasat gala majan laja nga ai rai nna myen hpyen dap gaw n bungli hku (5) lang bawm wa jahkrat ai lam chye lu ai.

Myen hpyen dap gaw Waimaw ginra hpe P.T.Ts pawng hpwm n-gun law law jai lang nna htu shadut htim gasat nga ai rai nna KIA pawng hpawm hpung ni htim gasat zing madu da ai ginra ni hkan ra lata poi n du shi ai laman bai zing madu lu hkra matut manoi htim gasat nga ai re hpe mung chye lu ai.

Myen hpyen dap pawng hpawm hpung ni gaw jinghpaw mung ginra kata de hpyen n-gun kaba hte htu shadut nga ai rai nna nbungli htim gasat ai lam mung matut manoi galaw nga dingyang re hpe mung chye lu ai.

Shiga – Hpring