Waimaw Lamyang Makau Hkan Gasat Gala Majan Laja Nga Ai Lam

Pajau Media

January 20, 2026

Jinghpaw Mung Waimaw Lamyang mare makau mayan hta Myen Hpyen Dap pawng hpawm dap ni kalang bai htu shadut htim gasat wa ai majaw gasat gala majan laja nga ai lam chye lu ai.

“Myen hpyen dap hte P.T.Ts pawng hpawm dap ni gaw n-gun kaba hte hpyen n-gun htu shadut wa ai, dai lamyang makau mayan hkan gasat gala byin ai lahkawng masum ya ram rai sai” nga nna Lamyang makau mayan hkan shanu nga ai mung masha langai tsun ai re.

Myen Hpyen Dap gaw KIA pawng hpawm dap ni shara la madu da ai Lamyang sinna maga N myen Hka shara maga kaw n dai laman hpyen n-gun htu shadut nga ai re hpe chye lu ai.

Lamyang gasat gala majan gaw lai wa sai 2025 shaning htum maga du hkra gasat gala majan zim taw ai raitim Myen Hpyen Dap pawng hpawm dap ni gaw N-gun kaba hte htu shadut wa ai majaw January shata kaw nna bai gasat gala majan bai laja wa ai re lam chye lu ai

Myen Hpyen Dap gaw ya aten Waimaw Lamyang mare makau mayan de htu shadut nga ai sha n-ga Jinghpaw Mung Hpakant, Manmaw hte Putao ginra hpyen man ni de htu shadut nga ai lam chye lu ai.

Shiga- Hpring