ပြန်လည်ဖြေဆိုသည့် အတန်းတင်စာမေးပွဲ အောင်စာရင်း ထုတ်ပြန်ကြေညာ

ပါဂျောင်မီဒီယာ

၈ရက်၊ဇူလိုင်လ၊၂၀၂၄ခုနှစ်။

KIO ထိန်းချုပ်နယ်မြေမှ KIO ပညာရေးဌာနချုပ်၏ ၂၀၂၃-၂၀၂၄ ပညာသင်နှစ် အတန်းတင်စာမေးပွဲ အောင်စာရင်းကို ယနေ့ ဇူလှိုင်လ ၈ရက်နေ့ နံနက်၆နာရီအချိန်တွင် ကြေညာခဲ့ကြောင်း သိရသည်။

အတန်းတင်စာမေးပွဲကို ပြီးခဲ့သည့် ဇွန်လ၅ရက်နေ့မှစတင်ကာ ၁၂ရက်နေ့အထိ တစ်ပတ်ကြာ ပြုလုပ်ခဲ့ပြီး၊ ကျောင်းသားပေါင်း အယောက်တစ်ထောင်(၁,၀၀၀)ကျော် ဖြေဆိုခဲ့ရာတွင် အယောက်ခုနှစ်ရာ(၇၈၂)ကျော် ဖြေဆိုအောင်မြင်ခဲ့ကြောင်း သိရသည်။

၂၀၂၃-၂၀၂၄ပညာသင်နှစ်တွင် ဆယ်တန်းစာမေးပွဲ ဖြေဆိုခဲ့သူ ကျောင်းသားပေါင်း သုံးထောင်(၃၁၂၆)ကျော်ဖြေဆိုခဲ့သည့်အနက် အယောက်တစ်ထောင့်ရှစ်ရာ(၁၈၉၃)ကျော် ဖြေဆိုအောင်မြင်ခဲ့ပြီး၊ မအောင်မြင်ခဲ့သည့် ကျောင်းသားများအတွက် ယင်းတို့ကျရှုံးခဲ့သည့် ဘာသာရပ်ကိုသာ ပြန်လည်ဖြေဆိုစေခဲ့ခြင်း ဖြစ်သည်။

ပညာရေးဌာနချုပ်မှ ယခုကဲ့သို့ အတန်းတင်စာမေးပွဲများ ပြန်လည်ဖြေဆို အောင်မြင့်ခွင့် ပေးရခြင်းမှာ လာမည့်ပညာသင်နှစ်များတွင် ဆယ့်တစ်တန်း၊ ဆယ့်နှစ်တန်းအထိ တိုးမြင့်ဖွင့်လှစ်ကာ သင်ရိုးညွန်းတမ်းများ ပြောင်းလဲသင်ကြားလာမည်ဖြစ်သောကြောင့် ယခုနှစ်တွင် အတန်းတင်စာမေးပွဲ ဖြေဆိုခွင့်ကို နောက်ဆုံး ပြုလုပ်ကျင်းပခြင်းဖြစ်သည်။