မြစ်ကြီးနားမြို့ ရွှေစက်ရပ်ကွက်ရှိ ဆီဂိုဒေါင်တစ်ခု မီးလောင်ကျွမ်း

ပါဂျောင်မီဒီယာ

၈ရက်၊ ဧပြီလ၊ ၂၀၂၆။

မြစ်ကြီးနားမြို့ ရွှေစက်ရပ်ကွက်နယ်မြေ(၁)ရှိ ဆီဂိုဒေါင်တစ်ခု ယနေ့ နံနက် ၈ နာရီခွဲ ဝန်းကျင်ချိန်တွင် မီးလောင်ကျွမ်းခဲ့ရကြောင်း သိရသည်။

မန်ခိန်ရပ်ကွက်နှင့် ရွှေစက်ရပ်ကွက်၊ ကမ်းနားလမ်းကြားရှိ ရွှေစက်နယ်မြေ အပိုင်း(၁) ကရိန်နော်ဈေးနားတွင် လောင်ကျွမ်းခဲ့ခြင်းဖြစ်ပြီး မီးသတ်ကား(၅)စီးဖြင့် ငြိမ်းသတ်ခဲ့ရသည်ဟု သိရသည်။

မီးစတင်လောင်ကျွမ်းရသည့် အကြောင်းအရင်းမှာ မသိရသေးသော်လည်း ထိုနေရာတွင် ဆီသယ်ယဥ်ကားကြီးနှင့် ဆီဘောက်ဆာကားများလည်း ရှိနေခြင်းကြောင့် မီးအရှိန်အဟုန်ဖြင့် လောင်ကျွမ်းခဲ့ရကြောင်း သိရသည်။

၂ နာရီအကြာ မနက် ၁၀ နာရီခွဲချိန်ခန့်တွင် အဆိုပါမီးကို ငြိမ်းသတ်နိုင်ခဲ့ပြီး မီးလောင်မှုကြောင့် မည်မျှရှုံးဆုံးသည်ကိုတော့ မသိရသေးဘူးဟု ဆိုသည်။

မြစ်ကြီးနားမြို့တွင် ပြီးခဲ့သည့် မတ်လ ၂၄ ရက်နေ့တွင်လည်း သံတိုသံစ ရောင်းသည့် အဟောင်းဆိုင် တစ်ခုလည်း မီးလောင်မှုဖြစ်ပွားခဲ့သည်။

သတင်း - ဇော်