Pajau Media October 30.2025 Jinghpaw Mung Putao Hkawng Lang Hpu Ginra de Myen Hpyen Dap P.T.Ts pawng hpawm hpung ni a Dap shara 2 tat sum kau ai hpang kaw nna hpyen n-gun laja lana htu shadut ai sha n-ga Byuha Mu dung na madang du hkra hkyen nga ai lam chye lu ai. KIA pawng hpawm hpung ni gaw Hkawng Lang Hpu Ngwa Ja La Mare kaw na Myen hpyen pawng hpawm dap ni a Dap shara 2 hpe n dai laman sha zing madu lai wa sai re. Dai majaw Myen hpyen dap gaw Myen mung Lawu daw kaw nna Pu

Pajau Media October 30.2025 Myen Hpyen Dap gaw Myitkyina Putao hkawm sa hkrun lam Lamung Zup, Chyinghkrang, Tang Hpare Shagyit hkan lai wa lai sa ni hpe shagyip shagyeng jep joi ai hte hkrun lam hpe hpaw dat pat dat galaw ai majaw Putao hkrun lam dingyang nga ai Mung masha ni grai yak hkak nga ma ai lam ginra masha tsun ai. " Mani shawng shani hkan gaw Yu wa Lung wa yawng hpe shalai ai mani 29 ya kaw na gaw gara maga de na mung n shalai sai, yak hkak ai Yu Li Hku hku nna dai

Pajau Media October 29, 2025 Myen hpyen dap woi awn galaw na Ra lata poi lamang hte seng nna Mungdan kata shinggan hkan na Media hpung ni shiga wang lu wang lang mai la ai lam Ra lata poi commission kawn n dau da ai re. Shiga la ai ni hku na shiga hpe shagrin da sai Upade, Masat da ai Tara Upade, Media Tara hte hkrak Ra lata poi hte seng na shiga mai la ai lam n dau da ai re hpe chye lu ai. Dai sha n-ga Mungdan kata na shiga dap ni hpe Ra lata poi galaw na ginra hkan shiga da

Pajau Media October 29, 2025 Kachin State Comprehensive Universit-(KSCU) kaw Hpaji sharin hkam la na Jawngma ni gaw 2026 ning Hpaji ladaw a matu Jawng shawk shawn ai lam mai galaw sai re hte Jawng shawk shawn form hpe November 3 ya kaw nna hkap la hpang nga sai re hpe chye lu ai. KSCU Dakkasu Jawng hta sharin na Jawngma ni gaw 2020 ning shawng daw hta Myen Mung Tsang 10 awng da ra na, Mungkan madang madi shadaw ai GED, IGCSE lu da ai wa mai shawk ai lam, Kachin Education Depa

Pajau Media October 29, 2025 Myen hpyen dap woi awn galaw sa wa na Ra Lata Poi Daw 2 hpe 2026 January 11 kaw galaw sa wa na rai nna Daw 2 hta Jinghpaw Mung kata na Ginra 3 mung lawm wa ai lam chye lu ai. Ra Lata Poi commission kawn October 28 ya shani n dau da ai hta Ra Lata Poi Daw 2 hta Mogaung, Waimaw hte Machyang Baw Ginra ni lawm ai re hpe mung chye lu ai. Du wa na December 28 ya shani galaw na Ra Lata Poi Daw 1 hpe Ginra 102 hta galaw sa wa na rai nna Jinghpaw Mung kaw

Pajau Media October 28, 2025 Myen hpyen dap gaw n dai laman Jinghpaw Mung ginra kata Waimaw, Manmaw, Hpakant ginra sha n-ga gasat gala n byin ai Dap ba ginra hkan du hkra Nbungli bawm dingsa gasat ai lam grau galaw wa ai re hpe chye lu ai. Lai wa sai bat laman hta mung Jinghpaw Mung kata gasat gala majan 42 lang byin ai lam nga ai re hte gasat gala n byin ai aten raitim Nbungli, Laknak kaba hte Drone bawm ni dingyang htim gasat nga ai re hpe chye lu ai. Ya na zawn htim gasat

Pajau Media October 28, 2025 Nam Mati ginra hta hpyen koi yen wa ai Hpakant Seng Hpara ginra masha ni a matu malu masha hte kaga lang na a rung ni ra kadawn nga ai lam chye lu ai. Hpyen koi yen Mung masha ni gaw Hpyen koi yen aten ladaw na wa sai hte maren malu masha tam lu tam sha shara ni yak hkak wa ai re hte lawm wa ai Ja gumhpraw malu masha ni mung ma wa ai re majaw Ma kaji ni hte Asak kaba sai ni lam magup yak hkak wa ai re hpe chye lu ai. Ya aten hpyen koi yen dabang k

Pajau Media October 28, 2025 KIA Dap Ba 8 ginra rai nga ai Mohnyin Ginra de October 27 ya shani Myen hpyen dap Nbungli Bawm wa gap bun ai lam nga ai lam Ginra masha ni kaw na chye lu ai. Gasat gala majan n nga ai sha Myen hpyen dap gaw Y-12 Nbungli hte bawm grai lang wa jahkrat ai re. Myen hpyen dap gaw gasat gala n byin ai Mohnyin ginra sha n-ga Saw Law Ginra hte kaga Ginra hkan mung Nbungli Bawm wa jahkrat bun ai lam matut manoi galaw nga ai re hpe chye lu ai. Ya na zawn Nb

Pajau Media October 27, 2025 Pat da ai na sai Jinghpaw Mung Miwa Jarit Laiza, Mai Ja Yang hte Loi Je Shagyit ni hpe bai hpaw sai lam chye lu ai. Miwa Asuya hte KIO Asuya bawngban hkrum ai lam galaw ai hpang October 25 ya shani bai hpaw ai rai nna hpa baw myit hkrum lam ni a majaw Jarit hpe bai hpaw ai ngu hpe gaw n chye lu shi ai re. "Shagyit ni hpe bai hpaw ai gaw Laiza, Mai Ja Yang hte Loi Je shagyit hkan gaw masha lai gaw n mai shi ai, malu masha gunrai hte kaga gunrai ni

Pajau Media October 27, 2025 USDP Party shang ahingjawng ai Jinghpaw Mung Ginra 4 daram hta kaga shingjawng na Party n nga ai sha USDP Rap daw Salang ni Awng Dang ai re hpe chye lu ai. Ra lata poi Commission a n dau laika hte maren Jinghpaw Mung Nawng Mung, Man Je, Shwe Gu hte Shwe Gu ginra ni hta shingjawng party n nga sha USDP awng dang ai re hpe chye lu ai. Shingjawng Party n nga ai sha dang mat ai Rapdaw Salang ni gaw Nawng Mung ginra Slg Re Dam Tang, Manje Kaw na Slg Gum

Pajau Media October 27.2025 Myitkyina Putao lam bai hpaw sai raitim Yu wa maga sha shalai ai rai nna Lung wa ai mawdaw ni hpe n shalai shi ai re hpe chye lu ai. Lai wa sai October 23 ya shani Lamung Zup Myen hpyen dap shagyit kaw pat da ai rai nna October 27 ya jahpawt daw hta bai hpaw ya sai raitim Yu wa ai mawdaw ni hpe sha ahkang jaw ai re hpe chye lu ai. Myitkyina Putao lam gaw Myen hpyen dap hte rawt malan hpung ni a hpyen masa hta hkan nna jahkring hkring pat ai re hpe

Pajau Media October 25, 2025 Myen Hpyen Dap gaw ya aten Mungdan ting madang galaw na Ra lata poi a matu hkyen shajin nga ai re hte n dai Ra lata poi a majaw Myen Mungdan Mung Dinghku majan gaw grau galu wa mai ai lam KIO Ningbaw Kaba kawn KIO Masat N Htoi Mungga hta tsun ai re. Myen Hpyen Dap kawn woi awn galaw na Ra lata poi hpe madi shadaw ai hpung hte ninghkap ai hpung kaba lahkawng gaw pru wa na re lam, dai hpung lahkawng jahkrup la matu yak mat wa na re majaw Myen Mungda

Pajau Media October 24, 2025 Myitkyina Putao hkawm sa hkrun lam hpe Myen hpyen dap kawn Lamung Zup gate kaw pat kau ai hpang Myen hpyen dap Hpyen garaum Nbungli gaw Putao ginra de du shang ai lam chye lu ai. " Dai ni lani mi laman sha Myen hpyen dap hpyen garum Nbungli Y8 masum lang sa ai, dai gaw Laknak malu masha htaw ai rai na masa nga, Myitkyina Lam mung pat sai re nga yang gaw dai gaw ang katut ai lam gaw n mai byin ai, Putao ginra masha ni grai sadi ra sai" nga nna tsun

Pajau Media October 24.2025 Myen Mungdan kata 2025 ning laman hta tinang hkum tinang je yang sat si ai masha marai 86 du hkra nga wa ai hte dai sat si ai hta law malawng gaw Asak 19 ning kaw na 25 ning lapran na ni law ai lam DVB shiga dap kawn sawk sagawn tang madun da ai kaw na chye lu ai. Myen mungdan kata shani shagu gasat gala majan, Nbungli bawm dingsa gasat hkrum ai lam, Majan a majaw Dum n ta masa ni, Hkum hkrang lagaw lata sum mat ai zawn re ai mayak manghkang ni hkr

Pajau Media October 23, 2025 Kade n na ai ten Myen Mungdan ting madang ra lata poi galaw sa wa na matu Myen hpyen dap shajin nga ai raitim Jinghpaw Mung Shanglawt uphkang ginra hkan masat shingte tawn tim gasat ai lam matut galaw nga ai re. N dai laman gasat gala majan n nga ai Shanglawt uphkang ginra hkan Nbungli bawm jahkrat ai ni grau grau galaw wa ai re. Gasat gala n byin ai ginra hkan kajawng kaja Nbungli bawm wa jahkrat ai lam lang hte lang galaw wa ai majaw Shanglawt u

Pajau Media October 23, 2025 Jinghpaw Mung Myitkyina hte Putao Matut da ai hkrun lam n tsa Lamung Zup shagyit hta Myen hpyen dap kawn hkrun lam hkawm mawdaw ni hpe pat shingdang da ai lam chye lu ai. Myitkyina Putao hkrun lam dingyang hta gasat gala majan n nga ai raitim Myen hpyen dap gaw Gunrai hte hkrun lam hkawm mawdaw ni sha n-ga Cycle hte hkrun lam hkawm ai ni hpe mung n lai shangun ai re hpe chye lu ai. "Lamung Zup shagyit kaw hpa majaw pat ai re kun n chye ai, Lam kaw

Pajau Media October 23. 2025 Jinghpaw Mung Hpakant Ginra October 22 ya shana hkying 7 aten daram hta Mawsi Zar Lung Seng dut mari shara hte Lawng Hkang Lung Seng dut mari shara ni hta Myen hpyen dap gaw mawdaw hte du shang wa nna Sinat hkan gap ai lam chye lu ai. " N lung dut mari ai masha grai law nga ai aten Myen hpyen dap gaw dai hku nan shang wa nna Sinat hte hkrup mara gap ai shaloi marawn ai ni gaw marawn, hprawng ai ni gaw hprawng re " nga nna ginra masha langai tsun a

Pajau Media October 22, 2025 Mungdan Bawng masha ni hpe garum ai hpung AA PP kawn hta gahkyin tang madun da ai hta October praw kaw na 21 ya du hkra Sam Mung ginra kata Myen hpyen dap a majaw Amyu Shayi marai 18, La marai 11Asak si sum ai lam chye lu ai. Asak si sum ai hta Asak 2 ning re ai La kasha langai, 18 ning n pu na Ma marai 8 mung lawm nna asak si sum ai ni yawng gaw Nbungli bawm a majaw re lam chye lu ai. Dai sha n-ga naw shagrin la ra ai asak si sum masha marai 13 n

Pajau Media October 22, 2025 Saw Law hte Hkawng Lang Hpu ginra ni hta October 21 ya shani Hkying 11 aten daram hta Y-12 Nbungli hte Bawm 12 Lang gap bun ai majaw Nawku Jawng hte Mung masha dum n ta hten za ai lam chye lu ai. Myen Hpyen dap Nbungli bawm wa jahkrat ai shara ni gaw Lang Se, Rap ma, Dang De, Na be,Shalang Dam, Jahtu Zin, Mahku Sa mare ni re nna, gasat gala byin ai lam n nga ai sha Bawm wa jahkrat bun ai re lam chye lu ai. Nbungli bawm wa jahkrat ai majaw Lang Se

Pajau Media October 21, 2025 Jinghpaw Mung Saw Law ginra Lang Se mare de Myen hpyen dap Nbungli bawm kalang bai wa jahkrat ai lam chye lu ai. Dai ni October 21 ya hkying 11 aten daram hta Y-12 Nbungli hte bawm 4 lang wa jahkrat ai rai nna mahkrai makau kaw na seng langai kaw wa hkrat nna seng hten za mat ai lam chye lu ai. Wa jahkrat ai Nbungli Bawm n kapaw shi ai sha langai naw ngam ai re hte masha hkra hkala ai lam nga n nga n chye lu shi ai re.  October shata 10 ya shani h